Frivilligsentralen har flytta til lokala til Braute på Sjøholt. Alle er velkomne inn! Opningstider: 9.30 - 15.30. Eg er åleine på arbeid og må stenge av og til p.g.a. møte og oppdrag utanfor kontoret. Ring 97712943 så ringer eg tilbake så snart eg kan.

I morgon 27. jan. er alle frivilligsentralar inviterte til å vere med på ein fagdag med tema: "Kommunikasjon for motivasjon av det frivillige personalet i sentralene" v/ Johan Øren. Frivilligsentralen i Ørskog skal også vere med for fagleg påfyll.

No er vi i siget med skiaktivitet her og tek eit smørekurs i Ørskoghallen 13. feb. Magne Rødseth vil vise oss. Den første timen vil han vise enkel smøring som alle klarer. Etterpå blir det kaffepause før han tek meir avanserte smøreteknikkar - gliding osv

Kjempefin kveld for å trene på ski i går i lysløypa på fjellet. 15 personar møtte opp for å få gode råd frå Oddgeir Vestre som var frivillig instruktør. Vi fekk tips om diagonalgåing og lette bakkar denne gongen. Neste tirsdag kl. 18.30 blir det meir.

No har vi fått istand eit opplegg for å betre skiteknikken blant dei ski-glade. Alle er velkomne til å ta del kvar tirsdag kl. 18.30 framover og ut februar. Oddgeir Vestre vil vise oss dei fleste gongane.

Det er valt nytt eldreråd i Ørskog. I samband med dette er Frivilligsentralen bedt om å kome på møtet deira tirsdag 24. jan for å informere om kva vi gjer for dei eldre i Ørskog. Det gjer eg sjølvsagt gjerne.